Körpənizə süd verin
Körpənin sağlam böyüməsi üçün ana südünün, əlbəttə ki, vacib əhəmiyyəti var. Hər uşaq ilk aylarında mütləq şəkildə ana südü ilə qidalanmalıdır. Xanımlarımız da çalışmalıdırlar ki, övladlarını öz südləri ilə təmin etsin.
Bəs bilirsinizmi ki, körpəyə süd verməyin təkcə onun üçün yox, həm də sizin üçün müsbət təsirləri var?
Südvermə süd vəzi xərçəngi riskini azaldırmı?
Əgər bir ana övladını bir il ərzində davamlı olaraq süd ilə təmin edirsə, belə qadınlarda süd vəzi xərçənginin yaranma ehtimalı digər qadınlarla müqayisədə 4-5% azalmaqdadır. Uşaq əmizdirmə süd vəzi xərçəngi riskini azaldır.
Südvermə və qadın sağlamlığı
Südvermənin qadın sağlamlığına heç bir zərəri yoxdur, əksinə uşaq əmizdirmək nəinki xərçəng, həm də digər xəstəliklərin qarşısının alınmasında mühüm rol oynayır. Məhz ona görə də heç uşaq dünyaya gətirməmiş qadınların digər qadınlarla müqayisədə həyatı daha çox təhlükədədir.
